ਤਾਜਾ ਖਬਰਾਂ
ਸਿਰਮੌਰ ਜ਼ਿਲ੍ਹੇ ਦੇ ਸੰਗੜਾਹ ਉਪਮੰਡਲ ਦੀ ਜਰਗ ਪੰਚਾਇਤ ਦੇ ਪਿੰਡ ਆਲੀਆਂ ‘ਚ ਇੱਕ ਵਾਰ ਫਿਰ ਭਾਰੀ ਭੂ-ਸਖਲਨ ਹੋਇਆ ਹੈ। ਪਹਾੜ ਦਾ ਵੱਡਾ ਹਿੱਸਾ ਟੁੱਟ ਕੇ ਹੇਠਾਂ ਆਉਣ ਕਾਰਨ ਖੇਤਾਂ ਨੂੰ ਭਾਰੀ ਨੁਕਸਾਨ ਪਹੁੰਚਿਆ ਹੈ ਅਤੇ ਪਿੰਡ ‘ਤੇ ਖ਼ਤਰਾ ਗਹਿਰਾ ਗਿਆ ਹੈ। ਸਥਾਨਕ ਵਸਨੀਕ ਲਗਾਤਾਰ ਪਹਾੜ ਖਿਸਕਣ ਦੀਆਂ ਘਟਨਾਵਾਂ ਕਰਕੇ ਡਰ ‘ਚ ਜੀ ਰਹੇ ਹਨ। ਦੱਸ ਦੇਈਏ ਕਿ ਪਿਛਲੇ ਸਾਲ ਵੀ ਇੱਥੇ ਭੂ-ਸਖਲਨ ਨਾਲ ਘਰਾਂ ਤੇ ਜ਼ਮੀਨਾਂ ਨੂੰ ਨੁਕਸਾਨ ਪਹੁੰਚਿਆ ਸੀ ਅਤੇ ਇਸ ਵਾਰੀ ਬਚੀ ਹੋਈ ਜ਼ਮੀਨ ਵੀ ਖ਼ਤਰੇ ‘ਚ ਹੈ।
ਪਿੰਡ ਦੇ ਆਲੇ ਦੁਆਲੇ ਵੱਡੀਆਂ ਦਰਾਰਾਂ ਨਜ਼ਰ ਆਉਣ ਲੱਗੀਆਂ ਹਨ। ਕਈ ਖੇਤ ਪਹਾੜ ਨਾਲ ਹੀ ਢਹਿ ਕੇ ਡੂੰਘੀ ਖਾਈ ‘ਚ ਚਲੇ ਗਏ ਹਨ, ਜਦਕਿ ਪਹਾੜ ਖਿਸਕਣਾ ਅਜੇ ਵੀ ਜਾਰੀ ਹੈ। ਲੋਕਾਂ ਦਾ ਕਹਿਣਾ ਹੈ ਕਿ ਜੇ ਹਾਲਾਤਾਂ ‘ਤੇ ਜਲਦੀ ਕਾਬੂ ਨਾ ਪਾਇਆ ਗਿਆ ਤਾਂ ਪੂਰਾ ਪਿੰਡ ਹੀ ਖ਼ਤਰੇ ‘ਚ ਆ ਸਕਦਾ ਹੈ।
ਇਸੇ ਦੌਰਾਨ, ਪਰਾਡਾ ਪੰਚਾਇਤ ਦੇ ਬਾਗਿਲ ਘਾਟ–ਚਕਨਾਲ ਰਾਹ ‘ਤੇ ਵੀ ਵੱਡਾ ਭੂ-ਸਖਲਨ ਹੋਇਆ ਹੈ। ਪਹਾੜ ਤੋਂ ਟੁੱਟ ਕੇ ਆਈਆਂ ਵੱਡੀਆਂ ਚੱਟਾਨਾਂ ਸੜਕ ‘ਤੇ ਡਿੱਗਣ ਕਾਰਨ ਯਾਤਰਾ ਪੂਰੀ ਤਰ੍ਹਾਂ ਠੱਪ ਹੋ ਗਈ। ਪਿਛਲੇ ਕਈ ਘੰਟਿਆਂ ਤੋਂ ਲੋਕ ਫਸੇ ਹੋਏ ਹਨ। ਲੋਕ ਨਿਰਮਾਣ ਵਿਭਾਗ (PWD) ਨੇ ਮੌਕੇ ‘ਤੇ JCB ਮਸ਼ੀਨਾਂ ਭੇਜ ਦਿੱਤੀਆਂ ਹਨ ਅਤੇ ਸੜਕ ਨੂੰ ਖੋਲ੍ਹਣ ਦਾ ਕੰਮ ਯੁੱਧ ਪੱਧਰ ‘ਤੇ ਜਾਰੀ ਹੈ। ਵਿਭਾਗ ਦਾ ਕਹਿਣਾ ਹੈ ਕਿ ਸ਼ਾਮ ਤੱਕ ਸੜਕ ਆਵਾਜਾਈ ਲਈ ਮੁੜ ਖੋਲ੍ਹ ਦਿੱਤੀ ਜਾਵੇਗੀ।
ਗ੍ਰਾਮ ਪੰਚਾਇਤ ਪਰਾਡਾ ਦੇ ਉਪ-ਪ੍ਰਧਾਨ ਰਾਮ ਕੁਮਾਰ ਸ਼ਰਮਾ ਨੇ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਪ੍ਰਭਾਵਿਤ ਪਰਿਵਾਰਾਂ ਅਤੇ ਕਿਸਾਨਾਂ ਦੇ ਨੁਕਸਾਨ ਦੀ ਭਰਪਾਈ ਲਈ ਤੁਰੰਤ ਕਦਮ ਚੁੱਕੇ ਜਾਣ।
Get all latest content delivered to your email a few times a month.
